06 ოქტომბერი 17:38
GEB 48 | -4.00 % BANK 0.01 | 0.00 % MEHBB 8 | 3.23 % GIGB 2.1 | 5.00 % $KTW01M 1,038.76 | % $GLC06N 1,005.49 | %

მენეჯმენტი

ნინო ქურდიანი

გენერალური დირექტორის მოვალეობის შემსრულებელი / ფინანსური დირექტორი

ნინო ქურდიანი „საქართველოს საფონდო ბირჟის“ გენერალური დირექტორის მოვალეობას ასრულებს 2022 წლის სექტემბრიდან. ასევე მას უკავია ფინანსური დირექტორის თანამდებობა, სადაც დაინიშნა 2017 წლის დეკემბერში. მას აქვს საქართველოში ფინანსურ სექტორში მუშაობის 15 წლიანი გამოცდილება. „საქართველოს საფონდო ბირჟამდე“ ნინო იკავებდა ფინანსური დირექტორის პოზიციებს მსხვილ საცალო და საერთაშორისო ფინანსურ კომპანიებში. 2016 წლის ჩათვლით ნინო მუშაობდა ქართულ ბანკებში წამყვან პოზიციებზე, მათ შორის „პროგრეს ბანკში“, „თიბისი ბანკში“ და „პროკრედიტ ბანკში“.

2017 წლიდან ნინო არის ინვესტიციების მართვის სფეროში საერთაშორისოდ აღირებული და დაფასებული კვალიფიკაციის - CFA ჩარტერის მფლობელი. 2018 წლიდან ფლობს პროცესების მართვის სერთიფიკატს - Lean Six Sigma-ს ყვითელ ქამარს. ნინოს ასევე ჩაბარებული აქვს რისკების მართვის საერთაშორისო პროგრამის FRM-ის პირველი დონე. მას აქვს საქართველოს უნივერსიტეტის მაგისტრის ხარისხი, კითხულობს ლექციებს, არის ფინანსური დისციპლინების ტრენერი და დამოუკიდებელი კონსულტანტი.

თამაზ ხიზანიშვილი

დირექტორი ვაჭრობაზე დაშვების დარგში

თამაზ ხიზანიშვილი სს „საქართველოს საფონდო ბირჟის“ დირექტორად ვაჭრობაზე დაშვების დარგში  1999 წლის თებერვალში დაინიშნა. თამაზს აქვს საქართველოში ფასიანი ქაღალდების ბაზრის სფეროში მოღვაწეობის 25 წელზე მეტი ხნის გამოცდილება. მათ შორის, უმუშავია სს „კავკასიის ბირჟაზე“ საფონდო კომიტეტში ჯერ სპეციალისტად, შემდგომში - საფონდო კომიტეტის თავმჯდომარედ, სს „ბაზისბანკში“ - საინვესტიციო კონსულტანტად, სს „გაერთიანებულ ქართულ ბანკში“ - ფასიანი ქაღალდების განყოფილების უფროსად. 1994-2000 წ. იყო ფასიანი ქაღალდებისა და საფონდო ბირჟების ინსპექციასთან არსებული საკონსულტაციო-საექსპერტო საბჭოს და „ბარენც ჯგუფთან“ არსებული ტრეინინგის საკონსულტაციო საბჭოს წევრი. თამაზი იყო  საინფორმაციო-ანალიტიკური ჟურნალის - „ფასიანი ქაღალდების ბაზარი“ - რედაქციის წევრი და არის 3 სახელმძღვანელოს თანაავტორი.

თამაზ ხიზანიშვილს დამთავრებული აქვს ივანე ჯავახიშვილის სახელობის თბილისის სახელმწიფო უნივერსიტეტის საინჟინრო-ეკონომიკური ფატულტეტი, აგრეთვე ასპირანტურა.